കോഴിക്കോട്: കരിപ്പൂര്‍ വിമാനത്താവളത്തില്‍ വലിയ വിമാനങ്ങള്‍ ഇറങ്ങുന്നത് ഒഴിവാക്കിയതിലൂടെ കരിപ്പൂര്‍ അന്താരാഷ്ട്ര വിമാനത്താവളത്തെ തകര്‍ക്കാനുള്ള വന്‍ ഗൂഢാലോചനയാണ് നടക്കുന്നതെന്ന് വെല്‍ഫെയര്‍ പാര്‍ട്ടി ഭാരവാഹികള്‍ വാര്‍ത്താ സമ്മേളനത്തില്‍ പറഞ്ഞു. ഇതു സംബന്ധിച്ച് വെല്‍ഫെയര്‍ പാര്‍ട്ടി ഖത്തര്‍ കള്‍ച്ചറല്‍ ഫോറം തയാറാക്കിയ വസ്തുതാന്വേഷണ റിപ്പോര്‍ട്ട് പ്രസിദ്ധീകരിച്ചു.
ഖത്തര്‍ കള്‍ച്ചറല്‍ ഫോറത്തിന്റെ ഭാരവാഹികളായ യാസര്‍ എം. അബ്ദുല്ല, മെഹര്‍ നൗഷാദ് എന്നിവരാണ് വസ്തുതാന്വേഷണ റിപ്പോര്‍ട്ട് തയാറാക്കിയിരിക്കുന്നത്.
വാര്‍ത്താസമ്മേളനത്തില്‍ കെ.എ ശഫീഖ്, അസ്‌ലം ചെറുവാടി, എം.ഐ റഷീദ്, എ.പി വേലായുധന്‍, കൃഷ്ണന്‍ കുനിയില്‍, ടി.കെ മാധവന്‍, പി.സി മുഹമ്മദ് കുട്ടി പങ്കെടുത്തു.