തിരുവനന്തപുരം: എല്‍.ഡി.എഫ് വന്നാല്‍ ആദ്യം ശരിയാക്കാന്‍ പോകുന്നത് വി.എസിനെയെന്ന് മുന്‍പ് പറഞ്ഞത് ഇപ്പോള്‍ എല്ലാവര്‍ക്കും ബോധ്യമായില്ലെയെന്ന ്‌കെ.പി.സി.സി പ്രസിഡന്റ് വി.എം സുധീരന്‍.

കേരളം മുഴുവന്‍ ഓടിനടന്ന് എല്‍.ഡി.എഫിന് വേണ്ടി തെരഞ്ഞെടുപ്പ് പ്രചരണം വി.എസ് നയിച്ചപ്പോള്‍ അദ്ദേഹത്തില്‍ കാണാതിരുന്ന പ്രായകൂടുതലും ആരോഗ്യപ്രശ്‌നങ്ങളും ഇപ്പോള്‍ കണ്ടെത്തിയ സഖാവ് യെച്ചൂരിയുടെ ഉന്നം വി.എസിനെ ഒഴിവാക്കാന്‍ തന്നെയാണെന്ന യാഥാര്‍ത്ഥ്യം ആര്‍ക്കാണ് മനസിലാകാത്തതെന്നും അദ്ദേഹം ചോദിച്ചു.
ഫിദല്‍ കാസ്‌ട്രോ പട്ടം നല്‍കി ഇനി വി.എസിന് വിശ്രമമാണ് അഭികാമ്യം എന്ന സന്ദേശം യെച്ചൂരി നല്‍കിയതോടെ എല്ലാം ശരിയായി എന്നും അദ്ദേഹം ഫെയ്‌സ്ബുക്ക് പോസ്റ്റില്‍ പറഞ്ഞു.