തൃക്കരിപ്പൂര്‍: തൃക്കരിപ്പൂര്‍ ആര്‍ട്‌സ് ആന്‍ഡ് സയന്‍സ് കോളജ് ആതിഥ്യമരുളുന്ന കണ്ണൂര്‍ സര്‍വകലാശാല സി സോണ്‍ ഫുട്‌ബോള്‍ ടൂര്‍ണമെന്റിന് തൃക്കരിപ്പൂര്‍ സിന്തറ്റിക്ക് സ്‌റ്റേഡിയത്തില്‍ തുടക്കമായി. 24 കോളജ് ടീമുകള്‍ അഞ്ചുദിവസങ്ങളിലായി നടക്കുന്ന ടൂര്‍ണമെന്റില്‍ മാറ്റുരയ്ക്കും.
ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍ ഉദ്ഘാടനം ചെയ്തു. പ്രിന്‍സിപ്പല്‍ ഡോ. പി.വി വിജയന്‍, വി.കെ ബാവ, സി.ടി അബ്ദുല്‍ ഖാദര്‍, സി. ദാവൂര്‍, കെ.വി ഗോപാലന്‍, ഷംസീര്‍, സി. രവി, കോളജ് യൂനിയന്‍ ചെയര്‍മാന്‍ വി.പി അസ്ഹറുദ്ദീന്‍, പഞ്ചായത്ത് അംഗം കുഞ്ഞമ്പു പ്രസംഗിച്ചു. ഫൈനല്‍ ഡിസംബര്‍ 11നു നടക്കും.