ചെന്നൈ: തമിഴ്‌നാട് മുഖ്യമന്ത്രി ജയലളിതയുടെ ആരോഗ്യനില സംബന്ധിച്ച വാര്‍ത്തയറിഞ്ഞ അണ്ണാ. ഡി.എം.കെ പ്രവര്‍ത്തകന്‍ ഹൃദയാഘാതം മൂലം മരിച്ചു. ഗൂഢല്ലൂര്‍ ജില്ലയിലെ ഗാന്ധിനഗര്‍ സ്വദേശിയായ നീലകണ്ഠനാണ് ഇന്നലെ മരിച്ചത്.

അമ്മയുടെ ആരോഗ്യനില സംബന്ധിച്ച വാര്‍ത്ത ടെലിവിഷനില്‍ കണ്ടുകൊണ്ടിരിക്കെ ഇയാള്‍ക്ക് നെഞ്ചുവേദന അനുഭവപ്പെടുകയായിരുന്നു. ഉടനെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

ജയലളിതയെ ആശുപത്രിയില്‍ പ്രവേശിപ്പിച്ചതറിഞ്ഞ് നിരവധി പേര്‍ മുന്‍പും മരണപ്പെടുകയും ആത്മഹത്യാശ്രമം നടത്തുകയും ചെയ്തിട്ടുള്ളത്.