കോട്ടയം: ദക്ഷിണേന്ത്യാ അന്തര്‍സര്‍വകലാശാല വോളിബോള്‍ ചാംപ്യന്‍ഷിപ്പില്‍ എം. ജി, കേരള സര്‍വകലാശാലകള്‍ ക്വാര്‍ട്ടറിലെത്തി. പ്രീ ക്വാര്‍ട്ടറില്‍ എം. ജി അളഗപ്പ യൂനിവേഴ്‌സിറ്റിയെയും കേരള അണ്ണാമലൈ യൂനിവേഴ്‌സിറ്റിയെയുമാണ് പരാജയപ്പെടുത്തിയത്. ക്വാര്‍ട്ടര്‍ ഫൈനല്‍ മത്സരങ്ങള്‍ ഇന്നു രാവിലെ നടക്കും. എം. ജി സത്യഭാമ യൂനിവേഴ്‌സിറ്റിയെയും കേരള കാലിക്കറ്റ് സര്‍വകലാശാലയേയും എസ്. ആര്‍. എം യൂനിവേഴ്‌സിറ്റി അണ്ണാ യൂനിവേഴ്‌സിറ്റിയെയും മദ്രാസ് യൂനിവേഴ്‌സിറ്റി ഭാരതീയാറിയെയും നേരിടും.