വടകര: പുതുപ്പണം ജെ.എന്‍.എം ഹയര്‍സെക്കന്‍ഡറി സ്‌കൂളില്‍ നടന്ന വടകര ഉപജില്ലാ കലോത്സവത്തില്‍ ഹയര്‍സെക്കന്‍ഡറി വിഭാഗത്തില്‍ ജെ.എന്‍.എം ഗവ. എച്ച്.എസ്.എസ്, ഹൈസ്‌കൂള്‍ വിഭാഗത്തില്‍ ശ്രീനാരായണ എച്ച്.എസ്, യു.പി, എല്‍.പി വിഭാഗങ്ങളില്‍ സെന്റ് ആന്റണീസ് എന്നിവ ചാംപ്യന്‍മാരായി.
ഹയര്‍സെക്കന്‍ഡറി വിഭാഗത്തില്‍ ഗവ.സംസ്‌കൃതം എച്ച്.എസ്.എസ് രണ്ടാംസ്ഥാനവും കോട്ടക്കല്‍ കുഞ്ഞാലിമരക്കാര്‍ എച്ച്.എസ്.എസ് മൂന്നാംസ്ഥാനവും നേടി. ഹൈസ്‌കൂള്‍ വിഭാഗത്തില്‍ സെന്റ് ആന്റണീസ് എച്ച്.എസ് രണ്ടാംസ്ഥാനവും പുതുപ്പണം ജെ.എന്‍.എം.എച്ച്.എസ് മൂന്നാംസ്ഥാനവും നേടി. യു.പി വിഭാഗത്തില്‍ എസ്.ജി.എം.എസ്.ബി രണ്ടാംസ്ഥാനവും എം.യു.എം സ്‌കൂള്‍ മൂന്നാം സ്ഥാനവും നേടി. എല്‍.പി വിഭാഗത്തില്‍ എരപുരം എം.എല്‍.പി രണ്ടാംസ്ഥാനവും താഴെപ്പള്ളി ജെ.ബി മൂന്നാം സ്ഥാനവും നേടി.
അറബിക് കലോത്സവത്തില്‍ യു.പി വിഭാഗത്തില്‍ എം.യു.എം ഒന്നാംസ്ഥാനവും പുതുപ്പണം എസ്.ബി രണ്ടാംസ്ഥാനവും കുഞ്ഞാലിമരക്കാര്‍ എച്ച്.എസ് മൂന്നാംസ്ഥാനവും നേടി. ഹൈസ്‌കൂള്‍ വിഭാഗം അറബിക് കലോത്സവത്തില്‍ എം.യു.എം ഒന്നാംസ്ഥനവും കോട്ടക്കല്‍ ഇസ്‌ലാമിക് അക്കാദമി രണ്ടാംസ്ഥാനവും കുഞ്ഞാലിമരക്കാര്‍ എച്ച്.എസ് മൂന്നാം സ്ഥാനവും നേടി. എല്‍.പി വിഭാഗത്തില്‍ താഴെപള്ളി ജെ.ബി ഒന്നാംസ്ഥാനം നേടി.
സംസ്‌കൃതോത്സവത്തില്‍ യു.പി വിഭാഗത്തില്‍ മണിയൂര്‍ യു.പി ഒന്നാംസ്ഥാനവും എസ്.ജി.എം.എസ്.ബി രണ്ടാംസ്ഥാനവും ഇരിങ്ങല്‍ എസ്.എസ് യു.പി മൂന്നാം സ്ഥാനവും നേടി. ഹൈസ്‌കൂള്‍ വിഭാഗത്തില്‍ ഗവ. സംസ്‌കൃതം എച്ച്.എസ് ഒന്നാംസ്ഥാനവും ബി.ഇ.എം എച്ച്.എസ്് രണ്ടാംസ്ഥാനവും നേടി. സമാപനസമ്മേളനം വടകര ഡി.ഇ.ഒ ഇ.കെ സുരേഷ്‌കുമാര്‍ ഉദ്ഘാടനം ചെയ്തു. നഗരസഭ വൈസ്‌ചെയര്‍മാന്‍ കെ.പി ബിന്ദു അധ്യക്ഷയായി.