കോഡൂര്‍: പൊതുജലസ്രോതസുകളുടെ സംരക്ഷണ പ്രവര്‍ത്തനത്തിന്റെ ഭാഗമായി മലപ്പുറം ഗവ. കോളജ് എന്‍.എസ്.എസ് യൂനിറ്റ് കുളം പുനരുദ്ധരിച്ചു. കോഡൂര്‍ ഗ്രാമപഞ്ചായത്തിലെ ചൊളൂരില്‍ ഉപയോഗശൂന്യമായി കിടന്നിരുന്ന കുളമാണ് മാലിന്യങ്ങള്‍ നീക്കം ചെയ്ത് പുനരുദ്ധരിച്ചത്.
പുനരുദ്ധാരണ പ്രവര്‍ത്തനം കോഡൂര്‍ ഗ്രാമപഞ്ചായത്ത് പ്രസിഡന്റ് സി.പി ഷാജി ഉദ്ഘാടനം ചെയ്തു. ഗ്രാമപഞ്ചായത്തംഗം കെ ആരിഫ റഹ്മാന്‍ അധ്യക്ഷനായി. സ്ഥിരസമിതി അധ്യക്ഷരായ എം.ടി ബഷീര്‍, കെ.എം സുബൈര്‍, കോളജ് യൂനിറ്റ് എന്‍.എസ്.എസ് കോഡിനേറ്റര്‍ ഡോ. ഷക്കീല, മുന്‍കോഡിനേറ്റര്‍ പി.കെ അബൂബക്കര്‍, വിദ്യാര്‍ഥി പ്രതിനിധി ഇര്‍ഷാദ്, അഡ്വ. സൈനുല്‍ആബിദീന്‍ തങ്ങള്‍, മൂസ പറവത്ത്, അബ്ദുല്‍ നാസര്‍ കൊളക്കാട്ടില്‍, കെ കുഞ്ഞാലന്‍, കുഞ്ഞിപ്പ ഓട്ടുമ്മല്‍, ഹംസ വില്ലന്‍, പി.പി അബ്ദുല്‍ ഹക്കീം, മൊയ്തീന്‍ ജാക്കീരി സംസാരിച്ചു.