ചെന്നൈ: മുഖ്യമന്ത്രി ജയലളിതയുടെ ആരോഗ്യനില ഗുരുതരമായി തുടരുന്ന സാഹചര്യത്തില്‍ ചെന്നൈയിലെ യു.എസ് കോണ്‍സുലേറ്റിലെ വിസ അഭിമുഖങ്ങള്‍ നിര്‍ത്തിവച്ചു. അഭിമുഖം എപ്പോള്‍ നടക്കുമെന്ന കാര്യം ഇ-മെയില്‍ വഴി അപേക്ഷകരെ അറിയിക്കുമെന്ന് കോണ്‍സുലേറ്റ് അറിയിച്ചു.
കോണ്‍സുലേറ്റിലെ ജീവനക്കാരുടെ എണ്ണത്തില്‍ കുറവു വരുത്തിയിട്ടുï്. ദൈനംദിന പ്രവര്‍ത്തനങ്ങള്‍ക്കുള്ള ജീവനക്കാരെ മാത്രമേ കോണ്‍സുലേറ്റ് ഓഫിസില്‍ നിര്‍ത്തിയിട്ടുള്ളൂ. തമിഴ്‌നാട്ടിലുള്ള അമേരിക്കന്‍ പൗരന്മാരോടെല്ലാം ജാഗ്രതയോടെയിരിക്കണമെന്നും സമാധാനപരമായ കൂട്ടായ്മകള്‍ പോലും എപ്പോള്‍ വേണമെങ്കിലും സംഘര്‍ത്തിലേക്ക് നീങ്ങിയേക്കുമെന്ന മുന്നറിയിപ്പും കോണ്‍സുലേറ്റ് അധികൃതരുടെ സന്ദേശത്തില്‍ അറിയിച്ചിട്ടുï്.
സേവനങ്ങള്‍ക്കോ സുരക്ഷാ കാര്യങ്ങള്‍ക്കോ കോണ്‍സുലേറ്റുമായി ബന്ധപ്പെടാവുന്നതാണെന്നും ഇതിന് സാധ്യമായിട്ടില്ലെങ്കില്‍ ഡല്‍ഹിയിലുള്ള യു.എസ് എംബസിയുമായി ബന്ധപ്പെടാവുന്നതാണെന്നും കോണ്‍സുലേറ്റ് പുറത്തുവിട്ട സന്ദേശത്തില്‍ പറയുന്നു.