സഊദി: യു.എ.ഇയുടെ പരമോന്നത സിവിലിയന്‍ ബഹുമതിയായ 'ഓര്‍ഡര്‍ ഓഫ് സായിദ്' സഊദി ഭരണാധികാരി സല്‍മാന്‍ രാജാവിന് സമ്മാനിച്ചു. അബുദാബി കിരീടാവകാശിയും യു.എ.ഇ. സായുധസേനാ ഉപസര്‍വസൈന്യാധിപനുമായ ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാന്‍ ആണ് അദ്ദേഹത്തിന് മെഡല്‍ സമ്മാനിച്ചത്.

അബുദാബി മുശ്രിഫ് കൊട്ടാരത്തില്‍ സല്‍മാന്‍ രാജാവിനും പ്രതിനിധി സംഘത്തിനും നല്‍കിയ സ്വീകരണത്തിലാണ് മെഡല്‍ കൈമാറിയത്.


ഗള്‍ഫ്, അറബ് മേഖലയിലെ പ്രവര്‍ത്തനങ്ങളെ പിന്തുണയ്ക്കുന്നതും ഇരുരാജ്യങ്ങളും തമ്മിലുള്ള സൗഹൃദം ശക്തിപ്പെടുത്തുന്നതും പരിഗണിച്ചാണ് പരമോന്നത സിവിലിയന്‍ അവാര്‍ഡ് സമ്മാനിച്ചത്.


ചടങ്ങില്‍ വൈസ് പ്രസിഡന്റും പ്രധാനമന്ത്രിയും ദുബയ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂമും മറ്റു അറബ് മേഖലയില്‍നിന്നുള്ള ഭരണാധികാരികളും സന്നിഹിതനായിരുന്നു.