പഴയങ്ങാടി: വീട്ടു വരാന്തയില്‍ കളിച്ചുകൊണ്ടിരിക്കുകയായിരുന്ന രണ്ടര വയസുകാരനെ തട്ടിക്കൊണ്ടു പോകാന്‍ ശ്രമം.
ചെറുകുന്ന് ഒതയംമാടത്തെ ക്ഷേത്രത്തിനു പിറകു വശത്തെ സജേഷിന്റെയും ജീജിയുടെയും മകന്‍ അനിരുദ്ധിനെയാണു ഇന്നലെ ഉച്ചയ്ക്കു 12ഓടെ തട്ടിക്കൊണ്ടു പോകാന്‍ ശ്രമിച്ചത്. വീടിന്റെ വരാന്തയില്‍ കളിച്ചുകൊണ്ടിരിക്കുകയായിരുന്ന കുട്ടിക്കു ഭക്ഷണം എടുക്കാന്‍ അമ്മ അകത്തേക്കു പോയി പുറത്തു വരുമ്പോഴേക്കും 35 വയസ് തോന്നിക്കുന്ന യുവാവ് കുട്ടിയുടെ വായപൊത്തി കുട്ടിയെ എടുത്ത് ഓടുകയായിരുന്നു. സംഭവം കണ്ട മാതാവ് ബഹളംവച്ച് പിറകെ ഓടിയതിനെ തുടര്‍ന്നു കുട്ടിയെ ഉപേക്ഷിച്ച് യുവാവ് കടന്നുകളയുകയായിരുന്നു. കണ്ണപുരം പൊലിസില്‍ പരാതിനല്‍കി.