മട്ടാഞ്ചേരി: യുവാക്കള്‍ക്കും വിദ്യാര്‍ഥികള്‍ക്കുമിടയില്‍ വില്‍പ്പന നടത്തുന്നതിനായി എത്തിച്ച ഒന്നേകാല്‍ കിലോ കഞ്ചാവുമായി പ്രായപൂര്‍ത്തിയാകാത്ത ഒരാള്‍ ഉള്‍പ്പെടെ മൂന്ന് പേര്‍ പിടിയിലായി.
ഫോര്‍ട്ട്‌കൊച്ചി വൈ.എം.സി.എ.റോഡില്‍ അഫ്‌സല്‍(18), മട്ടാഞ്ചേരി ബസാര്‍ റോഡില്‍ സുള്‍ഫിക്കര്‍(18), മട്ടാഞ്ചേരി സ്വദേശിയായ പതിനാറുകാരന്‍ എന്നിവരെയാണ് മട്ടാഞ്ചേരി അസിഃകമ്മീഷ്ണര്‍ കെ.എന്‍ അനിരുദ്ധന്‍, ഫോര്‍ട്ട്‌കൊച്ചി എസ്.ഐ എസ് ദ്വിജേഷ് എന്നിവരുടെ നേതൃത്വത്തില്‍ നടത്തിയ പരിശോധനയില്‍ പിടിയിലായത്. ഫോര്‍ട്ട്‌കൊച്ചി കടപ്പുറത്ത് ലഹരി ഉപയോഗിച്ച യുവാവിനെ ചോദ്യം ചെയ്തപ്പോഴാണ് പ്രതികളെ സംബന്ധിച്ച് സൂചന ലഭിച്ചത്. പ്രതികളെ കോടതിയില്‍ ഹാജരാക്കി.