മലപ്പുറം: വിവിധ രോഗങ്ങളാല്‍ പ്രയാസപ്പെടുന്ന ജില്ലയിലെ ആറു പേര്‍ക്കു മുഖ്യമന്ത്രിയുടെ ദുരിതാശ്വാസനിധിയില്‍നിന്നു ധനസഹായം അനുവദിച്ചു. വൃക്ക മാറ്റിവയ്ക്കല്‍ ശസ്ത്രക്രിയയ്ക്കു നാലു പേര്‍ക്കു മൂന്നു ലക്ഷം രൂപവീതവും മറ്റു ചികിത്സയ്ക്കായി രണ്ടു പേര്‍ക്ക് 75,000 രൂപയുമാണ് അനുവദിച്ചത്.
പട്ടിക്കാട്, കീഴാറ്റൂര്‍, ചുള്ളിയില്‍ വീട്ടില്‍ മുഹമ്മദ് ഷിഫിന്‍, പൊന്‍മള, ചാപ്പനങ്ങാടി പൂളയ്ക്കല്‍ വീട്ടില്‍ യൂനുസ് സലീം, പൊന്നാനി നഗരം കടവനാട് തോട്ടുവളപ്പില്‍ വീട്ടില്‍ വിനോദ്, തിരൂരങ്ങാടി അരിയല്ലൂര്‍ പാറോല്‍ പുതുശ്ശേരി വീട്ടില്‍ രമേശന്‍ എന്നിവരുടെ വൃക്ക മാറ്റിവയ്ക്കലിനും വൃക്ക രോഗത്തെ തുടര്‍ന്നു ചികിത്സയില്‍ കഴിയുന്ന കൊണ്ടോട്ടി, പിലാത്തോട്ടത്തില്‍ വീട്ടില്‍ റഫീഖ്, വാഹനാപകടത്തില്‍ പരുക്കേറ്റ് ചികിത്സയില്‍ കഴിയുന്ന പൊന്നാനി, അയിലക്കാട്ട് പുളിയക്കോട് വീട്ടില്‍ ജിഷ്ണുരാജിന്റെ ചികിത്സാ ചെലവിലേക്ക് 75,000 രൂപ വീതവുമാണ് അനുവദിച്ചത്.