പട്ടാമ്പി: ഹരിതകേരള മിഷന്‍ ആദ്യഘട്ട പ്രവര്‍ത്തനങ്ങളുടെ ഭാഗമായി ഗവ.കോളജില്‍ എന്‍.സി.സി, എന്‍.എസ്.എസ് യൂനിറ്റുകളുടെ നേതൃത്വത്തില്‍ കോളജ് പരിസരം, ബസ് കാത്തിരിപ്പ് കേന്ദ്രം ശുചീകരിച്ചു. കോളജിന് മുന്നില്‍ നടന്ന പരിപാടിയുടെ ഉദ്ഘാടനം ടി.പി ഷാജി നിര്‍വഹിച്ചു. പുന്നൂസ് ജേക്കബ് അധ്യക്ഷനായി. കെ.ടി റുഖിയ, ഡോ. പി അബ്ദു, അജു, കലാധരന്‍, സുര്‍ജിത്ത്, റമീസ്, ഷിജില സംബന്ധിച്ചു.
കൂറ്റനാട്: ഹരിത കേരളം പദ്ധതി പ്രവര്‍ത്തനങ്ങള്‍ക്കു കുമ്പിടി ജി.ടി ജെ.ബി സ്‌കൂളില്‍ തുടക്കമായി. പി. വേണുഗോപാല്‍ ഉദ്ഘാടനം ചെയ്തു. ദിവൃ അശോകന്‍ അധ്യക്ഷനായി. പി.ടി. രവീന്ദ്രനാഥന്‍, എസ്.ആര്‍ ശോഭ, ഒ.പി. ചന്ദ്രശേഖരന്‍, കെ.വി ഹരിഗോവിന്ദ്, വി.കെ. സുരേഷ്, കെ.സി. അബ്ദുസമദ് സംസാരിച്ചു. ഹരിത കേരളം പ്രതിജ്ഞ വി.കെ സുനിത ചൊല്ലി കൊടുത്തു. പരിപാടിയുടെ ഭാഗമായി കുമ്പിടിയില്‍ ഘോഷയാത്ര നടത്തി. ആരോഗ്യ ബോധവല്‍ക്കരണ ക്ലാസ് ജനാര്‍ധന്‍ നടത്തി. സ്‌കൂളും പരിസരവും വൃത്തിയാക്കി. ചിത്രരചനാ മത്സരം നടത്തി.