വെമ്പായം : ശബരിമല തീര്‍ഥാടകരുടെ കാറില്‍ കെ. എസ് .ആര്‍. ടി. സി ബസ് തട്ടി.ആര്‍ക്കും പരുക്കില്ല.
എം സി റോഡില്‍ വെമ്പായം ജങ്ഷനില്‍ ഇന്നലെ ഉച്ചക്ക് ഒരുമണിയോടെ ആയിരുന്നു സംഭവം.തമിഴ്‌നാട്ടില്‍ നിന്നുള്ള തീര്‍ഥാടകര്‍ സഞ്ചരിച്ചിരുന്ന കാറിലാണ് കെ .എസ് .ആര്‍ .ടി .സിയുടെ എ .സി വോള്‍വോ ബസ് തട്ടിയത്. വെഞ്ഞാറമൂട് നിന്നും വരുകയായിരുന്ന ബസ് ജങ്ഷനില്‍ വച്ച് മറ്റൊരു വാഹനത്തെ മറി കടക്കാന്‍ ശ്രമിക്കുമ്പോഴായിരുന്നു എതിര്‍ ദിശയില്‍ വന്ന കാറില്‍ തടിയത്.
ബസിന്റെ പുറകുവശം കാറിനോട് ചേര്‍ന്ന സ്ഥിതിയിലായിരുന്നു.തുടര്‍ന്ന് നാട്ടുകാര്‍ കാറിനെ ഉയര്‍ത്തി മാറ്റി. അപകടത്തെ തുടര്‍ന്ന് എം.സി റോഡ് ഏറെ നേരം ഗതാഗതകുരുക്കിലായി.