ബല്ലാ കടപ്പുറം ജമാഅത്ത് നേതൃത്വത്തില്‍ നടന്ന നബിദിന റാലിയില്‍ സംബന്ധിച്ചവര്‍ക്കു ബല്ലാ അജാനൂര്‍ കുറുംബ ഭഗവതി ക്ഷേത്ര കമ്മിറ്റിയുടെ നേതൃത്വത്തില്‍ മധുര പാനീയവും, യുവധാര ആര്‍ട്‌സ് ആന്റ് സ്‌പോട്‌സ് ക്ലബ്ബ് ആവിക്കല്‍ സൗത്ത് അജാനൂര്‍ കടപ്പുറം ക്ലബ്ബ് നേതൃത്വത്തില്‍ മധുര നാരങ്ങയും നല്‍കിയാണ് സ്വീകരണം നല്‍കിയത്.
ക്ലബ് പ്രസിഡന്റ് രഞ്ജിത്ത് നാരായണന്‍,സെക്രട്ടറി വിജിത്ത് കുമാര്‍, എ.കെ. ബാലകൃഷ്ണന്‍, എ.എസ്. ശശി തുടങ്ങിയവര്‍ നേതൃത്വം നല്‍കി.ഞാണിക്കടവ് ജമാഅത്ത് കമ്മിറ്റി നടത്തിയ നബിദിന ഘോഷയാത്രയില്‍ പങ്കെടുത്ത വിദ്യാര്‍ഥിക്കു അയ്യപ്പ ഭക്തന്‍ ശീതള പാനിയം വായില്‍ ഒഴിച്ച് നല്‍കിയാണ് സ്വീകരിച്ചത്.