തൃശൂര്‍:'തിരുനബി (സ): കുടുംബ നീതിയുടെ പ്രകാശം' എന്ന പ്രമേയത്തില്‍ സമസ്ത ജില്ലയില്‍ നടത്തുന്ന നബിദിന കാംപയിനിന്റെ ഭാഗമായി ഡിസംബര്‍ 27 ന് ചാവക്കാട് നടക്കുന്ന ജില്ലാ നബിദിന റാലിയുടെയും ഹുബ്ബുറസൂല്‍ സംഗമത്തിന്റെയും നടത്തിപ്പിനായുള്ള ഫണ്ട് നാളെ ജുമുഅ നമസ്‌കാരാനന്തരം പള്ളികളില്‍ ശേഖരിക്കണമെന്ന് സമസ്ത ജില്ലാ നബിദിനാഘോഷ കമ്മിറ്റി ചെയര്‍മാന്‍ എസ്.എം.കെ തങ്ങള്‍, ജനറല്‍ കണ്‍വീനര്‍ ഓണമ്പിള്ളി മുഹമ്മദ് ഫൈസി, ട്രഷറര്‍ ചെറുവാളൂര്‍ ഹൈദ്രൂസ് മുസ്‌ലിയാര്‍, കോഡിനേറ്റര്‍ ഇല്ല്യാസ് ഫൈസി തുടങ്ങിയവര്‍ അഭ്യര്‍ഥിച്ചു.
പ്രവാചക കുടുംബ ജീവിതത്തിന്റെ വിവിധ വശങ്ങളെക്കുറിച്ച് പൊതുസമൂഹത്തിന് അവബോധമുണ്ടാക്കുകയാണ് കാംപയിന്‍ കൊണ്ട് ലക്ഷ്യമിടുന്നത്. ഇതിന്റെ ഭാഗമായി കുടുംബ സംഗമം, സെമിനാറുകള്‍, പ്രഭാഷണങ്ങള്‍, പ്രകീര്‍ത്തന സദസുകള്‍, വിദ്യാര്‍ഥികളുടെ കലാപരിപാടികള്‍ തുടങ്ങിയവ നടന്നുവരുന്നു. ഈ കാംപയിനിന്റെ വിജയത്തിനായി സമാഹരിച്ച ഫണ്ട് ഞായറാഴ്ചക്കകം മഹല്ല്, മദ്‌റസ കമ്മിറ്റി, ഖത്തീബ്, സ്വദര്‍ തുടങ്ങിയവര്‍ ബന്ധപ്പെട്ട ജംഇയ്യത്തുല്‍ മുഅല്ലിമീന്‍ റെയിഞ്ച് സെക്രട്ടറിയെ ഏല്‍പ്പിക്കണമെന്നും നേതാക്കള്‍ അറിയിച്ചു.