തിരുവനന്തപുരം: മുതിര്‍ന്ന സി.പി.എം നേതാവും മുന്‍ എം.എല്‍.എയുമായ കെ. അനിരുദ്ധന്‍ (91) അന്തരിച്ചു. ഇന്നലെ രാത്രി 11.55ന് വഴുതക്കാട് ഗ്രേസ് കോട്ടേജില്‍ വച്ചായിരുന്നു അന്ത്യം. 1963ലെ രണ്ടാം നിയമസഭയില്‍ അംഗമായിരുന്നു. വാര്‍ധക്യസഹജമായ അസുഖങ്ങളെ തുടര്‍ന്ന് ഏറെ നാളായി ചികിത്സയിലായിരുന്നു.

സി.പി.എം മുന്‍ സംസ്ഥാന സമിതി അംഗമായിരുന്നു. ഒരു തവണ ലോക്‌സഭയിലും മൂന്ന് തവണ നിയമസഭയിലും അംഗമായിരുന്നു. ഭാര്യ: പ്രൊഫ. കെ. സുധര്‍മ (ഗവ. വിമണ്‍സ് കോളെജ് മുന്‍ അധ്യാപിക)
ആറ്റിങ്ങല്‍ എം.പി ഡോ. എ.സമ്പത്ത് എം.പി മകനാണ്. എ. കസ്തൂരി മറ്റൊരു മകളാണ്. മരുമക്കള്‍: ലിസി സമ്പത്ത്, ലളിത കസ്തൂരി.