ന്യൂഡല്‍ഹി: എന്‍.സി.പി നേതാവ് ശരത് പവാര്‍ മുംബൈ ക്രിക്കറ്റ് അസോസിയേഷന്‍ പ്രസിഡന്റ് സ്ഥാനം രാജിവച്ചു. 70 വയസിനു മുകളില്‍ പ്രായമുള്ളവര്‍ക്ക് ഭാരവാഹിത്വം പാടില്ലെന്ന ജസ്റ്റിസ് ലോധ കമ്മിറ്റി ശുപാര്‍ശ അനുസരിച്ചാണ് പവാറിന്റെ രാജിയെന്നു മുംബൈ ക്രിക്കറ്റ് അസോസിയേഷന്‍ പുറത്തിറക്കിയ വാര്‍ത്താക്കുറിപ്പില്‍ വ്യക്തമാക്കി.
76കാരനായ പവാര്‍ നേരത്തെ ഇന്ത്യന്‍ ക്രിക്കറ്റ് ബോര്‍ഡിന്റേയും അന്താരാഷ്ട്ര ക്രിക്കറ്റ് കൗണ്‍സിലിന്റേയും അധ്യക്ഷനായിരുന്നു.