അല്‍ ഐന്‍: പ്രവാചകന്‍ മുഹമ്മദ് നബി(സ)യുടെ 1491 മത് ജന്മ ദിനത്തിന്റെ ഭാഗമായി അല്‍ ഐന്‍ കെ.എം.സി.സി മലപ്പുറം ജില്ലാ കമ്മറ്റി മീലാദ് സംഗമം നടത്തി. അലി അസ്ഗര്‍ ഹുദവി ഹുബ്ബുന്നബി പ്രഭാഷണം നടത്തി.

ജില്ലാ ആക്ടിംഗ് പ്രസിഡന്റ് മജീദ് പറവണ്ണ യുടെ അദ്ധ്യക്ഷതയില്‍ ചേര്‍ന്ന സംഗമം സംസ്ഥാന ആക്ടിംഗ് പ്രസിഡന്റ് ഇ.കെ.ബക്കര്‍ തിരുന്നാവായ ഉല്‍ഘാടനം ചെയ്തു.
സമസ്ത പ്രസിഡന്റ് കുമരംപുത്തുര്‍ എ.പി.മുഹമ്മദ് മുസ്ല്യാരുടെയും, ഖത്തര്‍ കെ.എം.സി.സി നേതാവും ,ജീവകാരുണ്യ പ്രവര്‍ത്തകനുമായ എം.കെ.മുഹമ്മദ് എന്ന ബാവ സാഹിബ് കോന്നല്ലൂരിന്റയും നിര്യാണത്തില്‍ അല്‍ ഐന്‍ കെ.എം.സി.സി അനുശോചിക്കുകയും മഗ്ഫിറത്തിനും മര്‍ഹമത്തിനും വേണ്ടി പ്രാര്‍ത്ഥന നടത്തുകയും ചെയ്തു.അല്‍ ഐന്‍ ടോപ് ഫൈവ് ഓഡിറ്റോറിയത്തില്‍ സംഘടിപ്പിച്ച ഹുബ്ബു റസൂല്‍ പരിപാടിയില്‍ വെച്ചാണ് പ്രാര്‍ത്ഥന നടത്തിയത്.പ്രാര്‍ത്ഥനക്ക് സയ്യിദ് വി.പി.കാസിം കോയ തങ്ങള്‍ ബാഅലവി നേതൃത്വം നല്‍കി.

അല്‍ ഐന്‍ സുന്നീ യൂത്ത് സെന്റര്‍ ജനറല്‍ സെക്രട്ടറി ഇ.കെ .മൊയ്തീന്‍ ഹാജി ,കെ എം സി സി സംസ്ഥാന ആക്ടിംഗ് സെക്രട്ടറി മുഹമ്മദ് ആനക്കര , അഷ്‌റഫ് .വി . വളാഞ്ചേരി എന്നിവര്‍ ആശംസകള്‍ നേര്‍ന്നു. ജില്ലാ ജനറല്‍ സെക്രട്ടറി സമദ് പൂന്താനം സ്വാഗതവും ,ട്രഷറര്‍ സലാം മാസ്റ്റര്‍ നന്ദിയും പറഞ്ഞു.