ആരൂര്‍: വീല്‍ചെയറില്‍ ജീവിതം തള്ളിനീക്കുന്ന രോഗികള്‍ക്കുവേണ്ടി പരിപാലന പെയിന്‍ ആന്‍ഡ് പാലിയേറ്റിവ് കെയര്‍ ക്രിസ്മസ് ആഘോഷം നടത്തി. വിവിധ ജില്ലകളില്‍ നിന്നായി നാല്‍പതോളം പേര്‍ പങ്കെടുത്തു.
ആടിയും പാടിയും അവര്‍ ഒരു പകല്‍ മുഴുവന്‍ ആഘോഷത്തില്‍ നിറഞ്ഞാടി. സീരിയല്‍-സിനിമാ താരം മനോജ് മുഖ്യാതിഥിയായി.
ആലപ്പുഴ, പത്തനംതിട്ട, കോട്ടയം, ഇടുക്കി, പെരുമ്പാവൂര്‍, എറണാകുളം, വരാപ്പുഴ എന്നീ പ്രദേശങ്ങളില്‍ നിന്നുള്ള 40 ഓളം പേരാണ് പങ്കെടുത്തത്. ആഘോഷപരിപാടികള്‍ ജസ്റ്റിസ് ഷാജി പി. ചാലി ഉദ്ഘാടനം ചെയ്തു. പാലിയേറ്റിവ് കെയര്‍ പ്രസിഡന്റ് സേവ്യര്‍ പോത്താം പള്ളി അധ്യക്ഷനായി. ഡോ. സി.എന്‍ മോഹനന്‍ നായര്‍, പഞ്ചായത്ത് ചെയര്‍പേഴ്‌സന്‍ എന്‍.എം സജിത, ജസ്റ്റ് ജയിംസ്, ബെന്നി ജോസഫ്, നിഖിത പ്രസംഗിച്ചു.