കോഴിക്കോട്:വിവിധ മണിചെയിന്‍ സ്ഥാപനങ്ങളില്‍ നിന്ന് ലക്ഷങ്ങള്‍ തട്ടിയ കേസില്‍ വിദേശ ദമ്പതികളും മകനും കോഴിക്കോട് അറസ്റ്റില്‍. സൗത്ത് ആഫ്രിക്കയിലെ ജോഹന്നാസ്ബര്‍ഗ് സ്വദേശികളായ എറുമ്യാന്‍(55), ഭാര്യ ബകരി മഞ്ചര്‍ (45), മകന്‍ സാക്ക് മുഹമ്മദ് (20) എന്നിവരാണ് അറസ്റ്റിലായത്. കോഴിക്കോട് മര്‍കസ് കോംപ്ലക്‌സിലെ സ്ഥാപനത്തില്‍ നിന്നും സാധനങ്ങള്‍വാങ്ങി തട്ടിപ്പ് നടത്താന്‍ ശ്രമിക്കുന്നതിനിടെ നടക്കാവ് പൊലിസാണ് ഇവരെ കസ്റ്റഡിയില്‍ എടുത്തത്. തുടര്‍ന്ന് പന്നിയങ്കര പൊലിസ് മൂവരുടേയും അറസ്റ്റ് രേഖപ്പെടുത്തി.
പന്നിയങ്കര സ്റ്റേഷന്‍ പരിധിയിലെ മണിചെയിന്‍ സ്ഥാപനത്തില്‍ നിന്ന് 80,000 രൂപയുടെ വിദേശ കറന്‍സി തട്ടിയെടുത്തതില്‍ ഇവര്‍ക്കെതിരെ കേസുണ്ട്. വയനാട്, മലപ്പുറം, തൃശൂര്‍ ജില്ലകളിലും ഇവര്‍ക്കെതിരേ കേസുകളുണ്ട്.