മാഡ്രിഡ്: സ്പാനിഷ് ലാ ലിഗയില്‍ ബാഴ്‌സലോണയ്ക്ക് ജയം. ഒന്നിനെതിരേ നാലു ഗോളുകള്‍ക്ക് അവര്‍ എസ്പാന്യോളിനെ പരാജയപ്പെടുത്തി. ലൂയീസ് സുവാരസ് ഇരട്ട ഗോളുകള്‍ നേടിയപ്പോള്‍ ജോര്‍ദി ആല്‍ബ, ലയണല്‍ മെസ്സി എന്നിവരും വല ചലിപ്പിച്ചു.

ആഴ്‌സണലിനെ
വീഴ്ത്തി സിറ്റി
ലണ്ടന്‍: ഇംഗ്ലീഷ് പ്രീമിയര്‍ ലീഗ് പോരാട്ടത്തില്‍ സ്വന്തം തട്ടകത്തില്‍ ആഴ്‌സണലിനെ 2-1നു മാഞ്ചസ്റ്റര്‍ സിറ്റി വീഴ്ത്തി. മറ്റൊരു മത്സരത്തില്‍ ടോട്ടനം 2-1നു ബേണ്‍ലിയേയും പരാജയപ്പെടുത്തി.
അഞ്ചാം മിനുട്ടില്‍ തിയോ വാല്‍ക്കോട്ടിലൂടെ ആഴ്‌സണല്‍ മുന്നിലെത്തിയപ്പോള്‍ ലോറെ സാനെ, സ്റ്റിര്‍ലിങ് എന്നിവര്‍ രണ്ടാം പകുതിയില്‍ നേടിയ ഗോളുകളാണ് സിറ്റിയെ വിജയത്തിലെത്തിച്ചത്. ജയത്തോടെ മാഞ്ചസ്റ്റര്‍ സിറ്റി രണ്ടാം സ്ഥാനത്തേക്ക് കയറിയപ്പോള്‍ ആഴ്‌സണല്‍ നാലാം സ്ഥാനത്തേക്കിറങ്ങി.