നടുവണ്ണൂര്‍: കഴിഞ്ഞ രണ്ട് ദിവസമായി പണം ലഭ്യമാകാത്ത നടുവണ്ണൂര്‍ എസ്.ബി.ഐ ശാഖ നടുവണ്ണൂര്‍ മണ്ഡലം യൂത്ത് കോണ്‍ഗ്രസ് പ്രവര്‍ത്തകര്‍ ഉപരോധിച്ചു. തിങ്കളാഴ്ച രാവിലെ പത്തുമണിമുതലായിരുന്നു ഉപരോധം. യൂത്ത് കോണ്‍ഗ്രസ്സ് നിയോജകമണ്ഡലം പ്രസിഡന്റ് ജെയ്‌സല്‍ അത്തോളി ഉദ്ഘാടനം ചെയ്തു. മണ്ഡലം പ്രസിഡന്റ് സി.എം. സുധീഷ്, കെ. രാജീവന്‍, ഷബീര്‍ നിടുങ്ങണ്ടി, അഷ്‌റഫ് മങ്ങര, എ.പി. ഷാജി, സി. കൃഷ്ണദ്‌സ്, സി.പി. പ്രദീപന്‍, കെ.പി. സത്യന്‍, ടി.പി. ലിജു എന്നിവര്‍ സംസാരിച്ചു. കെ.സി. അഷറഫ്, എസ്.ആര്‍. അനൂപ്, ഫായിസ് കൊട്ടപ്പുറം, നൗഷാദ് തുരുത്തിമുക്ക്, ടി.കെ. ഷിബു, കെ.സി. റിനീഷ്, ബിലാല്‍ കൊട്ടാരത്തില്‍, വിഷ്ണു മേലേടത്ത്, പി.ആര്‍. രോഹിത്ത്, കെ.കെ. രാമചന്ദ്രന്‍, കെ. രാജേഷ് എന്നിവര്‍ നേതൃത്വം നല്‍കി. പതിനൊന്നരയോടെ ബാലുശ്ശേരി പൊലിസ് സമരക്കാരെ നീക്കി.
യൂത്ത് കോണ്‍ഗ്രസ് നേതാക്കള്‍ ബാങ്ക് മാനേജരുമായി ചര്‍ച്ച നടത്തി.