ചേര്‍ത്തല: നോട്ട് നിരോധനത്തിലൂടെ പ്രതിസന്ധിയിലായ ജനജീവിതത്തെയും സഹകരണ പ്രസ്ഥാനത്തെയും കരകയറ്റാന്‍ കേന്ദ്രസര്‍ക്കാര്‍ നടപടി സ്വീകരിക്കണമെന്ന് ആവശ്യപ്പെട്ട് 29ന് എല്‍.ഡി.എഫ് ഒരുക്കുന്ന മനുഷ്യച്ചങ്ങലയില്‍ ലോറി ജീവനക്കാര്‍ കുടുംബസമേതം പങ്കെടുക്കും. ആലപ്പി ഡിസ്ട്രിക്ട് ലോറി ട്രാന്‍സ്‌പോര്‍ട് ഡ്രൈവേഴ്‌സ് ആന്‍ഡ് ക്ലീനേഴ്‌സ് യൂണിയന്‍(സി.ഐ.ടി.യു) ചേര്‍ത്തല മേഖലാ കണ്‍വന്‍ഷനാണ് തീരുമാനം കൈക്കൊണ്ടത്. യൂണിയന്‍ ജനറല്‍ സെക്രട്ടറി സി.ബി ചന്ദ്രബാബു ഉദ്ഘാടനം ചെയ്തു.