HOME
DETAILS

പുലിക്കാട് അക്രമം: ചര്‍ച്ചക്കിടെ മുഹമ്മദ് റഹ്മാനിക്ക് ക്രൂരമര്‍ദനം

  
backup
December 20 2016 | 18:12 PM

%e0%b4%aa%e0%b5%81%e0%b4%b2%e0%b4%bf%e0%b4%95%e0%b5%8d%e0%b4%95%e0%b4%be%e0%b4%9f%e0%b5%8d-%e0%b4%85%e0%b4%95%e0%b5%8d%e0%b4%b0%e0%b4%ae%e0%b4%82-%e0%b4%9a%e0%b4%b0%e0%b5%8d%e2%80%8d%e0%b4%9a

തരുവണ(വയനാട്): പുലിക്കാട് നൂറുല്‍ ഇസ്‌ലാം മദ്‌റസയിലെ നബിദിനാഘോഷത്തിനിടെ 14 കാരനായ വിദ്യാര്‍ഥിയെ കാന്തപുരം വിഭാഗം പ്രവര്‍ത്തകര്‍ മര്‍ദിച്ചതിനു പിന്നാലെ കുട്ടിയുടെ പിതാവിനും സഹോദരങ്ങള്‍ക്കും മര്‍ദനം. ഇന്നലെ മഹല്ല് കമ്മിറ്റി വിളിച്ചുചേര്‍ത്ത ഒത്തുതീര്‍പ്പ് ചര്‍ച്ചക്കിടെയാണ് കുട്ടിയുടെ പിതാവ് മൊയ്തു (58), സഹോദരങ്ങളായ മുഹമ്മദ് റഹ്മാനി (30), താജുദ്ദീന്‍ (22) എന്നിവര്‍ക്കും കാന്തപുരം വിഭാഗത്തിന്റെ മര്‍ദനമേറ്റത്. സാരമായി പരുക്കേറ്റ മുഹമ്മദ് റഹ്മാനിയെ കോഴിക്കോട് മെഡിക്കല്‍ കോളജ് ആശുപത്രിയിലും മെയ്തു, താജുദ്ദീന്‍ എന്നിവരെ മാനന്തവാടി ഗവ.ആശുപത്രിയിലും പ്രവേശിപ്പിച്ചു.
നബിദിനാഘോഷത്തിനിടെ മദ്‌റസയിലെ ഒന്‍പതാം ക്ലാസ് വിദ്യാര്‍ഥി സലാഹുദ്ദീനെ കാന്തപുരം വിഭാഗം ആക്രമിച്ചിരുന്നു. മാനന്തവാടി ആശുപത്രിയില്‍ കുട്ടിയെ പ്രവേശിപ്പിക്കുകയും വെള്ളമുണ്ട പൊലിസ് കേസ് രജിസ്റ്റര്‍ ചെയ്യുകയും ചെയ്തിരുന്നു. ഈ സംഭവത്തിന്റെ ഒത്തുതീര്‍പ്പ് ചര്‍ച്ചയ്ക്കിടെയാണ് കുട്ടിയുടെ വീട്ടുകാര്‍ക്ക് നേരെയും ആക്രമണമുണ്ടായത്. മഹല്ല് കമ്മിറ്റി അക്രമികള്‍ക്കെതിരേ പൊലിസില്‍ പരാതി നല്‍കിയിട്ടുണ്ട്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."