തിരൂര്‍: പടിഞ്ഞാറെക്കരയില്‍ പഞ്ചായത്ത് അംഗത്തിന്റേത് ഉള്‍പ്പെടെയുള്ള വീടുകള്‍ ആക്രമിച്ച കേസില്‍ ആറ് ആര്‍.എസ്.എസ് പ്രവര്‍ത്തകര്‍ അറസ്റ്റില്‍. പടിഞ്ഞാറെക്കര സ്വദേശികളായ കൊളപ്പരുത്തിക്കല്‍ സുഭാഷ് (35), തെയ്യത്തഞ്ചേരി മണി (30), ചുക്കശ്ശേരി അനീഷ് എന്ന സനു (32), പള്ളുവന്‍ പറമ്പില്‍ രതീഷ് (34), തൃക്കണാശ്ശേരി നന്ദകുമാര്‍ (23), പുളിക്കല്‍ ഷിബിലാല്‍ (19) എന്നിവരെയാണ് ഇന്നലെ തിരൂര്‍ സി.ഐ എം.കെ ഷാജിയുടെ നേതൃത്വത്തിലുള്ള പൊലിസ് അറസ്റ്റ് ചെയ്തത്.
പുറത്തൂര്‍ പഞ്ചായത്തംഗം നിഷ ഉള്‍പ്പെടെ പതിനഞ്ചോളം സി.പി.എം പ്രവര്‍ത്തകരുടെ വീടും വാഹനങ്ങളും അക്രമിച്ചു തകര്‍ത്ത കേസിലാണ് അറസ്റ്റ്. ഒന്നര മാസം മുന്‍പാണ് കേസിനാസ്പദമായ സംഭവം നടന്നത്. അറസ്റ്റിലായ പ്രതികളെ കോടതിയില്‍ ഹാജരാക്കി.