വേങ്ങര: ജില്ലാതല കേരളോത്സവത്തില്‍ ആദ്യ ജയം കൊണ്ടോട്ടി ബ്ലോക്ക് നേടി. വേങ്ങര ബ്ലോക്ക് ഓഫിസ് ഓഡിറ്റോറിയത്തില്‍ നടന്ന ചെസ് മത്സരത്തില്‍ 12 ടീമുകള്‍ പങ്കെടുത്തു. ഒന്നാംസ്ഥാനം കൊണ്ടോട്ടി ബ്ലോക്കിലെ കെ. പ്രഭീഷും രണ്ടാംസ്ഥാനം നിലമ്പൂര്‍ മുനിസിപ്പാലിറ്റിയിലെ ജുനൈദും നേടി.
പറപ്പൂര്‍ മിനി സ്റ്റേഡിയത്തില്‍ നടന്ന ട്വന്റി ട്വന്റി ക്രിക്കറ്റ് മത്സരത്തില്‍ 26 ടീമുകള്‍ പങ്കെടുത്തു. ക്രിക്കറ്റ് മത്സരങ്ങളുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് എ.പി ഉണ്ണകൃഷ്ണനും ചെസ് മത്സരങ്ങള്‍ വേങ്ങര ബ്ലോക്ക് പഞ്ചായത്ത് പ്രസിഡന്റ് പി.കെ അസ്‌ലുവും ഉദ്ഘാടനം ചെയ്തു. പറപ്പൂര്‍ ഗ്രാമപഞ്ചായത്ത് പ്രസിഡന്റ് മുഹമ്മദ് കുട്ടി അധ്യക്ഷനായി.
ബ്ലോക്ക് വൈസ് പ്രസിഡന്റ് ബുഷ്‌റ മജീദ്, പറപ്പൂര്‍ പഞ്ചായക്ക് സ്റ്റാന്‍ഡിങ് കമ്മിറ്റി ചെയര്‍മാന്‍ ഷെരീഫ്, ജില്ലാ പഞ്ചായത്ത് സെക്രട്ടറി മന്‍സൂര്‍ ഹുസൈന്‍ സംസാരിച്ചു. ആദ്യ വിജയികള്‍ക്കുള്ള സര്‍ട്ടിഫിക്കറ്റുകള്‍ സംഘാടക സമിതി വര്‍ക്കിങ് ചെയര്‍മാന്‍ സലീം കുരുവമ്പലം വിതരണം ചെയ്തു. ഇന്നു ഫുട്‌ബോള്‍ മത്സരങ്ങള്‍ കോഴിച്ചെന എം.എസ്.പി ഗ്രൗണ്ടിലും ഷട്ടില്‍, ബാഡ്മിന്റണ്‍ മത്സരങ്ങള്‍ വേങ്ങര റാക്കറ്റ് ഹട്ട് ഇന്‍ഡോര്‍ സ്റ്റേഡിയത്തിലും നടക്കും.