കോതമംഗലം: തങ്കളത്ത് സെന്റ് സെബാസ്റ്റ്യന്‍സ് ചാപ്പലിന്റെ കപ്പേള തകര്‍ത്ത സംഭവത്തില്‍ കുറ്റവാളികളെ എത്രയും വേഗം കണ്ടെത്തണമെന്നാവശ്യപ്പെട്ട് ഇടവക സമൂഹം കപ്പേളക്കു മുന്നില്‍ ധര്‍ണ നടത്തി.
സംഭവത്തില്‍ പൊലിസ് അന്വേഷണം കാര്യക്ഷമമാക്കണമെന്നും അല്ലാത്ത സാഹചര്യത്തില്‍ സമരം വ്യാപിപ്പിക്കുമെന്നും ദേവാലയങ്ങളെ സംരക്ഷിക്കുന്നതില്‍ പൊലിസ് ജാഗ്രത പാലിക്കണമെന്നും വിശ്വാസികള്‍ പറഞ്ഞു. ആന്റണി എലിച്ചിറ, ബിജു കുന്നംകുഴക്കല്‍, ആന്റണി പാലക്കുഴി എന്നിവര്‍ പ്രസംഗിച്ചു.