മലയിന്‍കീഴ് : വ്യദ്ധന്‍ കുളിമുറിയില്‍ക്കയറി ദേഹത്ത് മണ്ണെണ്ണ ഒഴിച്ച് തീ കൊളുത്തി ആത്മഹത്യ ചെയ്തു. മലയിന്‍കീഴ് തച്ചോട്ടുകാവ്, മച്ചിനാട് റോഡരികത്ത് വീട്ടില്‍ കേശവനാ(73) ണ് മരിച്ചത്.
ഭാര്യ ലീല പള്ളിയില്‍ പോയ സമയത്താണ് സംഭവം നടന്നതെന്ന് പൊലിസ് പറയുന്നു. ഭാര്യ തിരികെ വന്നു നോക്കുമ്പോഴാണ് വീടിന് പുറത്തുള്ള കുളിമുറിയില്‍ കത്തികരിഞ്ഞ നിലയില്‍ കേശവന്റെ ജഡം കണ്ടത്. സമീപത്ത് മണ്ണെണ്ണ കുപ്പിയും കണ്ടെത്തി.കേശവനും ഭാര്യ ലീലയും ആണ് വീട്ടില്‍ താമസിക്കുന്നത്. കേശവന് ശ്വാസ കോശ സംബന്ധമായി രോഗമുണ്ട്. ഇതില്‍ കേശവന്‍ വിഷമം പ്രകടിപ്പിച്ചിരുന്നതായി ഭാര്യ പൊലിസില്‍ മൊഴി നല്‍കിയിട്ടുണ്ട്.മരണത്തില്‍ ദുരൂഹതയില്ലെന്ന് സി.ഐ പറഞ്ഞു. വിരലടയാള വിദഗ്ധര്‍ സ്ഥലത്ത്് പരിശോധന നടത്തി.