താമരശേരി: താമരശേരി മേഖല സമസ്ത കേരള മദ്‌റസാ മാനേജ്‌മെന്റ് അസോസിയേഷന്റെ ആഭിമുഖ്യത്തില്‍ നടത്തപ്പെടുന്ന പ്രഥമ ഇസ്‌ലാമിക് നഴ്‌സറി സ്‌കൂള്‍ ഫെസ്റ്റ് പൂനൂര്‍ അവേലം മനാറുല്‍ ഹുദ മദ്‌റസയില്‍ നാളെ (ശനി) രാവിലെ എട്ടിന് നടക്കും. മേഖലയിലെ വിവിധ സ്ഥാപനങ്ങളില്‍ നിന്ന് 200 ല്‍ പരംവിദ്യാര്‍ഥികള്‍ മാറ്റുരക്കും. ഉദ്ഘാടന സമ്മേളനത്തില്‍ സ്വാഗതസംഘം ചെയര്‍മാന്‍ എം.പി. ആലിഹാജി അധ്യക്ഷനാകും. ജില്ലാ സെക്ട്രറി പി. കോയ ഉദ്ഘാടനം ചെയ്യും. കെ.അബ്ദുല്‍ ബാരി ബാഖവി പതാക ഉയര്‍ത്തും സമാപന സമ്മേളനത്തില്‍ സമസ്ത കേരള ജംഇയ്യത്തുല്‍ മുഅല്ലിമീന്‍ സംസ്ഥാന ഉപാധ്യക്ഷന്‍ കെ.കെ ഇബ്‌റാഹിം മുസ്‌ലിയാര്‍ സമ്മാനദാനം നിര്‍വഹിക്കും.