കല്ല്യാശ്ശേരി: കല്ല്യാശ്ശേരിയില്‍ കാറുകള്‍ തമ്മില്‍ കൂട്ടിയിടിച്ച് മൂന്നു പേര്‍ക്ക് പരുക്ക്. അഴീക്കോട് സ്വദേശിയായ അഖില്‍ (27), കിഴുന്ന സ്വദേശികളായ നന്ദന (15), ചന്ദ്രി (55) എന്നിവര്‍ക്കാണ് പരുക്കേറ്റത്. ഇവരെ കണ്ണൂരിലെ സ്വകാര്യ ആശുപത്രിയില്‍ പ്രാഥമിക ചികിത്സക്കു ശേഷം വിട്ടയച്ചു. ഇന്നലെ വൈകുന്നേരം 7.30 ന് ഹാജിമൊട്ടയില്‍ വെച്ചാണ് അപകടമുണ്ടായത്. കണ്ണൂര്‍, തളിപ്പറമ്പ് ഭാഗങ്ങളില്‍ നിന്നുവന്ന കാറുകള്‍ തമ്മില്‍ കൂട്ടിയിടിച്ച് ഒരു കാര്‍ മറിയുകയും കാറിന് കേടുപാടുകള്‍ സംഭവിക്കുകയുമായിരുന്നു. അപകടത്തെത്തുടര്‍ന്ന് ദേശീയ പാതയില്‍ അര മണിക്കൂറോളം ഗതാഗതം സ്തംഭിച്ചു.