പരപ്പനങ്ങാടി: ചെട്ടിപ്പടി കോയംകുളത്തെ പലചരക്കു കടയില്‍നിന്നു ലഭിച്ചതു മായംകലര്‍ന്ന വെളിച്ചെണ്ണ. ചെട്ടിപ്പടിയിലെ മനയില്‍ വാസന്തി പാചക ആവശ്യത്തിനു വാങ്ങിച്ച വെളിച്ചെണ്ണയ്ക്കാണ് കരിഓയിലിന്റെ നിറമുള്ളത്. 200 ഗ്രാം വെളിച്ചെണ്ണ പാക്കറ്റ് പൊട്ടിച്ചു കുപ്പിയിലേക്ക് ഒഴിച്ചപ്പോഴാണ് വെളിച്ചെണ്ണയിലെ മാലിന്യം വെളിപ്പെട്ടത്. ഡ്രീം കേര എന്ന ബ്രാന്‍ഡ് നെയിമുള്ള വെളിച്ചെണ്ണയിലാണ് വന്‍തോതില്‍ മാലിന്യം കലര്‍ന്നതായി കണ്ടത്. പാക്കറ്റില്‍ കണ്ട മേല്‍വിലാസത്തിലെ കസ്റ്റമര്‍ കെയര്‍ നമ്പറില്‍ ബന്ധപ്പെട്ടപ്പോള്‍ നമ്പര്‍ നിലവിലില്ലെന്നുള്ള മറുപടിയാണ് ലഭിച്ചത്. വീട്ടമ്മ പരപ്പനങ്ങാടി ഫുഡ്‌സേഫ്റ്റി ഓഫിസര്‍ മുന്‍പാകെ പരാതി നല്‍കിയിട്ടുണ്ട്.