ചെറുവത്തൂര്‍: വേദികളില്‍ രക്ഷിതാക്കളും പരിശീലകരും നടത്തുന്ന ഇടപെടല്‍ മത്സരഫലങ്ങളെ  സ്വാധിനിക്കുന്നുവെന്നത് എപ്പോഴും ഉയരുന്ന പരാതിയാണ്.  ഇത്തവണ രക്ഷിതാക്കളുടെ ഇടപെടലിനു കടിഞ്ഞാണിടാന്‍ തീരുമാനമായെങ്കിലും പരിശീലകര്‍ എപ്പോഴും നിയന്ത്രണങ്ങള്‍ക്കു പുറത്താണ്.
പരിശീലകരും വിധികര്‍ത്താക്കളും തമ്മിലുള്ള ധാരണയില്‍ മത്സര ഫലങ്ങള്‍ അട്ടിമറിക്കപ്പെടാറുണ്ട് എന്നതാണ് ഉയര്‍ന്നുകേള്‍ക്കാറുള്ള മറ്റൊരു ആക്ഷേപം.
കാര്‍ട്ടന്‍ ഇളക്കി കാട്ടിയും പരിശീലനം നല്‍കിയ കുട്ടികള്‍ക്കൊപ്പം വേദികള്‍ക്കു മുന്നിലൂടെ നടന്നും പ്രത്യേക രീതിയില്‍ മൈക്ക് ടെസ്റ്റു ചെയ്തുമൊക്കെ സ്വാധീനിക്കല്‍ നടക്കുന്നുണ്ട് എന്നതാണു പരാതി.
രക്ഷിതാക്കള്‍ക്ക് ഏര്‍പ്പെടുത്തിയ നിയന്ത്രണം പരിശീലകര്‍ക്കു കൂടി ഏര്‍പ്പെടുത്തണം എന്നതാണ് ആവശ്യം.