അടിമാലി: ദേശീയപാതയില്‍ അടിമാലിക്ക് സമീപമുണ്ടായ വാഹനമിടിച്ച് നടന്‍ മമ്മൂട്ടിയുടെ ഭാര്യാസഹോദരന്  പരുക്ക്. കൊച്ചി പായാട്ടുപറമ്പില്‍ അബ്ദുള്‍ ലത്തീഫി(44) നാണ് പരുക്കേറ്റത്. ഇദേഹത്തെ  എറണാകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ഇന്നലെ  രാവിലെ എട്ടു മണിയോടെ  കല്ലാറില്‍വെച്ചാണ് അപകടം. മൂന്നാര്‍ ഭാഗത്തു നിന്നും വന്ന തമിഴ്‌നാട് സ്വദേശിയുടെ കാര്‍ അബ്ദുള്‍ ലത്തീഫിനെ ഇടിക്കുകയായിരുന്നു.
നിയന്ത്രണം വിട്ട കാര്‍ ദേശീയപാതയോരത്ത് സ്ഥാപിച്ചിരിക്കുന്ന ക്രാഷ്ഗാഡില്‍ കയറിയാണ് നിന്നത്. ഇവിടെ നിന്നും കാര്‍ മറിഞ്ഞിരുന്നെങ്കില്‍ അഗാധമായ കൊക്കയില്‍ പതിക്കുമായിരുന്നു. ഇന്നലെ രാവിലെ ദേശീയപാതയില്‍  പ്രഭാതസവാരിക്ക് ഇറങ്ങിയപ്പോഴാണ് എതിരെ വന്ന കാര്‍ ലത്തീഫിനെ  ഇടിച്ചത്. കാറില്‍ ഉണ്ടായിരുന്നവര്‍ക്ക് പരിക്കില്ല.