തിരൂര്‍: സമസ്ത കേരള ജംഇയ്യത്തുല്‍ മുഅല്ലിമീന്‍ ഒന്നിടവിട്ട വര്‍ഷങ്ങളില്‍ വിദ്യാര്‍ത്ഥികളുടെ കലാപരമായ കഴിവുകള്‍ പരിപോഷിപ്പിക്കുന്നതിന് വേണ്ടി നടത്തി വരുന്ന ഇസ്‌ലാമിക കലാമേളയുടെ റെയ്ഞ്ച് തല ഉല്‍ഘാടനം നാളെ രാവിലെ പത്തിന് വാണിയന്നൂര്‍ റെയ്ഞ്ചിലെ പാലത്തിങ്ങല്‍ മുനീറുല്‍ ഇസ്‌ലാം മദ്‌റസയില്‍ നടക്കും. പാണക്കാട് സയ്യിദ് റശീദലി ശിഹാബ് തങ്ങള്‍ ഉല്‍ഘാടനം ചെയ്യും. വെസ്റ്റ് ജില്ലാ സെക്രട്ടറി അബ്ദുല്‍ ഖാദര്‍ ഖാസിമി, സയ്യിദ് എ.എസ് കെ തങ്ങള്‍, ചെറിയമുണ്ടം ഗ്രാമ പഞ്ചായത്ത് പ്രസിഡന്റ് ചക്കാലക്കല്‍ അബ്ദുസ്സലാം, കെ ഇബ്രാഹീം ഹാജി, കെ പി എ റസാഖ് ഫൈസി, അബ്ദുറഹിമാന്‍ ഹാജി തുടങ്ങിയവര്‍ സംബന്ധിക്കും. സമാപന സമ്മേളനം സമസ്ത കേന്ദ്ര മുശാവറ അംഗം ശൈഖുനാ ഹാജി എ മരക്കാര്‍ ഫൈസി ഉദ്ഘാടനം ചെയ്യും.