കൊല്ലം: സംസ്ഥാന സര്‍ക്കാരിന്റെ ഹരിതകേരളം മിഷന്റെ പ്രചരണാര്‍ഥം നടത്തുന്ന ഹരിത എക്‌സ്പ്രസ് ഇന്ന് ജില്ലയില്‍ പര്യടനം നടത്തും. ചാത്തന്നൂര്‍ ജങ്ഷനില്‍ രാവിലെ 9.30 ന് കെ സോമപ്രസാദ് എം.പി, ജി.എസ്. ജയലാല്‍ എം.എല്‍. എ, ജില്ലാ പഞ്ചായത്ത് പ്രസിഡന്റ് കെ. ജഗദമ്മ എന്നിവരുടെ സാനിധ്യത്തില്‍ എക്‌സ്പ്രസ് പ്രയാണം തുടങ്ങും. സാംസ്‌കാരിക പ്രവര്‍ത്തകര്‍, ജനപ്രതിനിധികള്‍, സന്നദ്ധ സംഘടനാ പ്രതിനിധികള്‍ എന്നിവര്‍ ഹരിത എക്‌സ്പ്രസിനെ സ്വീകരിക്കും.
ജയചന്ദ്രന്‍ കടമ്പനാടിന്റെ നേതൃത്വത്തിലുള്ള നാടന്‍ കലാസംഘം അവതരിപ്പിക്കുന്ന പരിപാടികളും അരങ്ങേറും. നിലമേല്‍, അഞ്ചല്‍, കണ്ണനല്ലൂര്‍ എന്നിവിടങ്ങളില്‍ സന്ദര്‍ശനം നടത്തുന്ന ഹരിത എക്‌സ്പ്രസ് വൈകിട്ട് ആറിന് കൊല്ലം ബീച്ചില്‍ ഒന്നാം ദിവസത്തെ പര്യടനം അവസാനിപ്പിക്കും.
നാളെ ചവറ, കരുനാഗപ്പള്ളി, കുന്നത്തൂര്‍, കൊട്ടാരക്കര, പത്തനാപരും എന്നിവിടങ്ങളില്‍ പര്യടനം നടത്തും.