ബസിന്റെ വേഗം കുറവായതിനാല്‍ ടാങ്ക് തകര്‍ന്നില്ല. ടാങ്ക് നിറയെ പെട്രോളും ഡീസലുമായിരുന്നു.
ചെന്ത്രാപ്പിന്നി: എടമുട്ടത്ത് നിര്‍ത്തിയിട്ട ടാങ്കര്‍ ലോറിക്ക് പുറകില്‍ വിവാഹ സംഘം സഞ്ചരിച്ച ടൂറിസ്റ്റ് ബസിടിച്ചുവെങ്കിലും വന്‍ ദുരന്തം ഒഴിവായി. ഇന്നലെ ഉച്ചയോടെ എടമുട്ടം സെന്ററിലായിരുന്നു അപകടം. കൊച്ചി അമ്പലമുകളിലെ ഇന്ത്യന്‍ ഓയില്‍ കോര്‍പ്പറേഷന്റെ എണ്ണ ശുദ്ധികരണശാലയില്‍ നിന്ന് പൊന്നാനിയിലേക്ക് പോയിരുന്ന ടാങ്കര്‍ ലോറിയാണ് അപകടത്തില്‍പ്പെട്ടത്. എടമുട്ടം സെന്ററില്‍ നിര്‍ത്തിയിട്ട ടാങ്കര്‍ ലോറിക്ക് പുറകില്‍ കൊടുങ്ങലൂരിലെ വലിയപറമ്പ് എന്ന ടൂറിസ്റ്റ് ബസിടിക്കുകയായിരുന്നു. അപകടത്തില്‍ ലോറിയുടെ ബമ്പര്‍ ഭാഗികമായി തകര്‍ന്നു. ബസിന്റെ വേഗം കുറവായതിനാല്‍ ടാങ്ക് തകര്‍ന്നില്ല. ടാങ്ക് നിറയെ പെട്രോളും ഡീസലുമായിരുന്നു. ടൂറിസ്റ്റ് ബസില്‍ നിറയെ യാത്രക്കാരുïായിരുന്നു. ബസ് ഡ്രൈവറുടെ അശ്രദ്ധയാണ് അപകടത്തിന് കാരണമായതെന്ന് പറയുന്നു. അപകടത്തില്‍ ബസ്സിന്റെ മുന്‍ഭാഗം ഭാഗികമായി തകര്‍ന്നു. വലപ്പാട് പൊലിസ് ഇരുവാഹനങ്ങളും പൊലിസ് സ്‌റ്റേഷനിലേക്ക് മാറ്റി. അപകടത്തെ തുടര്‍ന്ന് ദേശീയപാതയില്‍ അരമണിക്കൂറോളം വാഹനഗതാഗതം ഭാഗികമായി തടസപ്പെട്ടു.

.