കളമശ്ശേരി: ക്രിസ്മസ് ദിനത്തില്‍ പ്രവര്‍ത്തകര്‍ക്ക് സ്‌നേഹ വിരുന്നൊരുക്കി യൂത്ത് കോണ്‍ഗ്രസ് കളമശ്ശേരി മണ്ഡലം കമ്മിറ്റി. വൈകിട്ട് ഏഴ് മണിക്കു കേക്ക് മുറിച്ചാണ് ആഘോഷങ്ങള്‍ ആരംഭിച്ചത്.
യൂത്ത് കോണ്‍ഗ്രസ് പ്രവര്‍ത്തകരാണ് വിരുന്നിനുള്ള ഭക്ഷണം തയ്യാറാക്കിയത്. എച്ച്.എം.ടിയില്‍ സംഘടിപ്പിച്ച പരിപാടിയില്‍ യൂത്ത് കോണ്‍ഗ്രസ് ഭാരവാഹികളും പ്രവര്‍ത്തകരും പങ്കെടുത്തു. യൂത്ത് കോണ്‍ഗ്രസ് മണ്ഡലം പ്രസിഡന്റ് അഷ്‌കര്‍ പനയപ്പിള്ളിയുടെ നേതൃത്വത്തിലാണ് പരിപാടി സംഘടിപ്പിച്ചത്. വിവിധ ആഘോഷങ്ങളിലും ഇനി വിരുന്നൊരുക്കുമെന്നും മതേതര കാഴ്ച്ചപ്പാടോടെ സംഘടനയിലേക്ക് പ്രവര്‍ത്തകര്‍ കടന്നു വരാന്‍ ഇത്തരം കൂട്ടായ്മകള്‍ക്ക് കഴിയുമെന്നും അഷ്‌കര്‍ പറഞ്ഞു.
യുത്ത് കോണ്‍ഗ്രസ് മണ്ഡലം വൈസ് പ്രസിഡന്റ് കെ.എസ്. സുജിത്കുമാര്‍, സേവാദള്‍ ചെയര്‍മാന്‍ അജ്‌നാസ് റഹ്മാന്‍, ദാരവാഹികളായ എ.കെ നിഷാദ്, നൗഫല്‍ കയറ്റിക്കര, അന്‍സാര്‍ തോരേത്ത്, ജിയാസ് ജമാല്‍, കെ.എം ജലാല്‍, മേരി സിനി, കോയാന്‍ പിള്ള, ദിനില്‍ രാജ്, കെ.എം അനസ്, മുഹമ്മദ് റസീഫ് തുടങ്ങിയവര്‍ പങ്കെടുത്തു.