HOME
DETAILS

5,000 രൂപ നോട്ട് നിരോധിക്കാനുള്ള തീരുമാനം പാകിസ്താന്‍ റദ്ദാക്കി

  
backup
December 27 2016 | 19:12 PM

5000-%e0%b4%b0%e0%b5%82%e0%b4%aa-%e0%b4%a8%e0%b5%8b%e0%b4%9f%e0%b5%8d%e0%b4%9f%e0%b5%8d-%e0%b4%a8%e0%b4%bf%e0%b4%b0%e0%b5%8b%e0%b4%a7%e0%b4%bf%e0%b4%95%e0%b5%8d%e0%b4%95%e0%b4%be%e0%b4%a8%e0%b5%81

ഇസ്‌ലാമാബാദ്: പാകിസ്താനില്‍ 5000 രൂപ നോട്ട് പിന്‍വലിക്കാനുള്ള തീരുമാനം റദ്ദാക്കി. കള്ളപ്പണം തടയാനാണ് 5000 രൂപ നോട്ട് പിന്‍വലിക്കാന്‍ സര്‍ക്കാര്‍ തീരുമാനിച്ചത്. ഇതിനു സെനറ്റിന്റെ അനുമതിയും ലഭിച്ചിരുന്നു. ഇന്ത്യയില്‍ 1000, 500 രൂപാ നോട്ടുകള്‍ പിന്‍വലിച്ചതിനു പിന്നാലെയാണ് പാകിസ്താനും മൂല്യം കൂടിയ നോട്ട് പിന്‍വലിക്കാന്‍ തീരുമാനിച്ചത്.
5000 രൂപ നോട്ട് കള്ളപ്പണം വ്യാപകമാകാന്‍ കാരണമാകുമെന്നായിരുന്നു സര്‍ക്കാര്‍ പറഞ്ഞിരുന്നത്. ഇതിനു സെനറ്റ് ഈ മാസം അനുമതിയും നല്‍കി. എന്നാല്‍ പാര്‍ലമെന്റിന്റെ ഉപരിസഭയില്‍ സര്‍ക്കാര്‍ നിലപാട് മാറ്റി.
പണം പിന്‍വലിക്കുന്നത് ബിസിനസിനെ ബാധിക്കുമെന്ന് ധനമന്ത്രാലയം വ്യക്തമാക്കി. വലിയ മൂല്യമുള്ള നോട്ട് നിരോധിച്ചാല്‍ സാമ്പത്തിക പ്രതിസന്ധിക്ക് കാരണമാകുമെന്നും സര്‍ക്കാര്‍ ഈ നീക്കത്തില്‍ നിന്ന് പിന്മാറുന്നതായും പാകിസ്താന്‍ ധനകാര്യ മന്ത്രാലയം പ്രസ്താവനയില്‍ വ്യക്തമാക്കി.
പാകിസ്താനില്‍ ഏറ്റവും മൂല്യമുള്ള നോട്ടാണ് 5000 രൂപയുടേത്. കഴിഞ്ഞ സാമ്പത്തിക വര്‍ഷത്തില്‍ അച്ചടിച്ച നോട്ടുകളുടെ 17 ശതമാനവും 5000 രൂപയുടേതായിരുന്നുവെന്നും മന്ത്രാലയം പ്രസ്താവനയില്‍ പറഞ്ഞു. പാകിസ്താനില്‍ കൂടുതലും കറന്‍സി ഇടപാടുകളാണ്‌നടക്കുന്നത്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."