കരിവെള്ളൂര്‍: കരിവെള്ളൂര്‍ മുച്ചിലോട്ട് പെരുങ്കളിയാട്ട മഹോത്സവത്തോടനുബന്ധിച്ച് ക്ഷേത്ര കുടുംബാംഗങ്ങളുടെ വീടുകളില്‍ വച്ച ഭണ്ഡാരങ്ങളുടെ സമര്‍പ്പണം നടന്നു. ക്ഷേത്ര കുടുംബാംഗങ്ങളിലെ ആയിരക്കണക്കിന് വനിതകളും കുടുംബാംഗങ്ങളും ഓണക്കുന്നില്‍ വച്ച് ഘോഷയാത്രയായി ക്ഷേത്ര തിരുമുറ്റത്ത് എത്തിച്ചേര്‍ന്നാണ് ഭണ്ഡാര സമര്‍പ്പണം നടത്തിയത്. ക്ഷേത്രം തന്ത്രി ബ്രഹ്മശ്രീ കാളക്കാട്ടില്ലത്ത് സന്ദീപ് തിരുമുമ്പിന്റെ നേതൃത്വത്തില്‍ രാവിലെ മഹാഗണപതി ഹോമം നടന്നു. വനിതകള്‍ക്ക് പ്രസാദവും നല്‍കി.