ശ്രീകണ്ഠപുരം: കൂട്ടുമുഖത്ത് വ്യാപാരിയുടെ വീട്ടില്‍ കവര്‍ച്ചാ ശ്രമം. ശ്രീകണ്ഠപുരത്തെ വ്യാപാരി കണ്ടക്കൈ ഇബ്രാഹിമിന്റെ വീട്ടിലാണ് ഇന്നലെ പുലര്‍ച്ചെ മൂന്നോടെ കവര്‍ച്ചാശ്രമം നടന്നത്. ഇരുനില വിടിന്റെ മുകളിലത്തെ വരാന്തയില്‍ കയറിയ മോഷ്ടാവ് കത്തി ഉപയോഗിച്ച് ജനലിന്റെ കൊളുത്ത് അഴിച്ചെടുക്കാന്‍ ശ്രമിക്കുമ്പോള്‍ ഇബ്രാഹിമിന്റ മകന്‍ ശബ്ദം കേട്ടുണര്‍ന്ന് ബഹളം വയ്ക്കുകയായിരുന്നു.
മുഖം മറച്ച കവര്‍ച്ചക്കാരന്‍ കത്തികാട്ടി ഭിഷണി മുഴക്കുകയും ചെയ്തു. ഇബ്രാഹിം ഉണര്‍ന്ന് ലൈറ്റിട്ടതോടെ കവര്‍ച്ചക്കാരന്‍ ഓടി രക്ഷപ്പെട്ടു. ശ്രീകണ്ഠപുരം പൊലിസ് കേസെടുത്തു.