കിഴിശ്ശേരി: സി.എച്ച്.എം ഹയര്‍സെക്കന്‍ഡഡറി സ്‌കൂള്‍ എന്‍.എസ്.എസ് ക്യാംപ് നടത്തി. കാവനൂര്‍ പഞ്ചായത്തിലെ ചെങ്ങര വാര്‍ഡിലെ ശുജീകരണ പ്രവര്‍ത്തനങ്ങള്‍, പ്രദേശവാസികളായ പൊതുജനങ്ങള്‍ക്കു മുക്കം കെ.എം.സി.ടിയുടെയും അല്‍സലാമ കണ്ണാശുപത്രിയുടെയും നേതൃത്വത്തില്‍ മെഡിക്കല്‍, കണ്ണ് പരിശോധനാ ക്യാംപ്, കാവനൂര്‍ പഞ്ചായത്തിന്റെ കീഴിലുള്ള സ്‌പെഷല്‍ സ്‌കൂളിലെ വിദ്യാര്‍ഥികള്‍ക്കു സോപ്പ്, ചന്ദനത്തിരി, പേപ്പര്‍ ബേഗ് നിര്‍മാണങ്ങളില്‍ പരിശീലനം എന്നിവ സംഘടിപ്പിച്ചു.
അരീക്കോട് ബ്ലോക്ക് വൈസ് പ്രസിഡന്റ് സുബൈദ ഉദ്ഘാടനം ചെയ്തു. എ.എം അബൂബക്കര്‍ അധ്യക്ഷനായി. പ്രിന്‍സിപ്പല്‍ സനാഉള്ള, വിദ്യാപതി, റമല, റംഷാദ് മാസ്റ്റര്‍, നിവാസ് മുഹമ്മദ് സംസാരിച്ചു.