തിരുവനന്തപുരം: ക്ഷീരവികസന വകുപ്പ് സംഘടിപ്പിക്കുന്ന സംസ്ഥാന ക്ഷീരസംഗമം 28, 29, 30 തീയതികളില്‍ പട്ടാമ്പിയില്‍ നടക്കും. ക്ഷീരസംഗമത്തോടനുബന്ധിച്ച് സംസ്ഥാനത്തെ എല്ലാ ബ്ലോക്കുകളിലെയും ക്ഷീരകര്‍ഷകരുടെ പ്രതിനിധികളെ പങ്കെടുപ്പിച്ച് ക്ഷീരകര്‍ഷക പാര്‍ലമെന്റ് സംഘടിപ്പിക്കും. ക്ഷീരവികസനം മൃഗസംരക്ഷണം, പാല്‍ സംഭരണം, വിപണനം തുടങ്ങിയ രംഗങ്ങളിലെ പ്രശ്‌നങ്ങള്‍ അവതരിപ്പിക്കുന്നതിന് അവസരം ലഭിക്കുന്ന ക്ഷീരകര്‍ഷക പാര്‍ലമെന്റ് ഇതാദ്യമാണ്. ക്ഷീരകര്‍ഷക പാര്‍ലമെന്റില്‍ പങ്കെടുക്കുന്ന കര്‍ഷകരെ തെരഞ്ഞെടുക്കുന്നതിനായി എല്ലാ ക്ഷീരവികസന യൂനിറ്റുകളിലും ഇന്ന് യോഗം നടക്കും.