കൊല്ലം: ദക്ഷിണ കേരള ജംഇയ്യത്തുല്‍ ഉലമ വജ്രജൂബിലി സമ്മേളനം 25ന് കൊല്ലത്ത് നടക്കും. പീരങ്കി മൈതാനിയില്‍ നടക്കുന്ന സമ്മേളനത്തില്‍ അരലക്ഷം പേരെ പങ്കെടുപ്പിക്കാന്‍ ഇന്നലെ കൊല്ലത്ത് ചേര്‍ന്ന സംസ്ഥാന സമിതി യോഗം തീരുമാനിച്ചു.
ഏഴിന് കൊടുങ്ങല്ലൂര്‍ ചേരമാന്‍ ജുമാ മസ്ജില്‍ നിന്നും തുടങ്ങുന്ന വജ്രജൂബിലി സന്ദേശ വാഹന പ്രചരണ ജാഥ എറണാകുളം, ഇടുക്കി, കോട്ടയം, ആലപ്പുഴ, പത്തനംതിട്ട, കൊല്ലം, തിരുവനന്തപുരം ജില്ലാ കേന്ദ്രങ്ങളില്‍ സ്വീകരണം ഏറ്റുവാങ്ങും. 25ന് വൈകിട്ട് ആശ്രാമം മൈതാനിയില്‍ നിന്നും തുടങ്ങുന്ന ഏകസിവില്‍കോഡ് വിരുദ്ധ ശരീഅത്ത് സംരക്ഷണ റാലി പീരങ്കി മൈതാനിയില്‍ സമാപിക്കും. സംസ്ഥാന സമിതി യോഗം പ്രസിഡന്റ് കടയ്ക്കല്‍ അബ്ദ്ദുല്‍ അസീസ് മൗലവി ഉദ്ഘാടനം ചെയ്തു. തൊടിയൂര്‍ മുഹമ്മദ്കുഞ്ഞ് മൗലവി അധ്യക്ഷത വഹിച്ചു. ജനറല്‍ സെക്രട്ടറി കെ.പി മുഹമ്മദ് പ്രമേയം അവതരിപ്പിച്ചു.തേവലക്കര അലിയാരുകുഞ്ഞ് മൗലവി, എം.എ സമദ്, കടയ്ക്കല്‍ ജുനൈദ്, അഡ്വ.സുല്‍ഫി, കലാപ്രേമി ബഷീര്‍, ജലാലുദീന്‍ മൗലവി, എസ്.നാസര്‍, പാങ്ങോട് ഖമറുദീന്‍ മൗലവി, ഹബീബ് മൗലവി, റാഫി, കരമന മാഹീന്‍, സാദിഖലിഖാന്‍, ഇര്‍ഷാദ്, ഉമര്‍ റാവുത്തര്‍, അബ്ദുസലാം, ആസാദ് റഹീം, കണ്ണനല്ലൂര്‍ നിസാം, മേക്കോണ്‍ അബ്ദുല്‍ അസീസ്, ഷാജഹന്‍ മൗലവി പങ്കെടുത്തു.