HOME
DETAILS

ചെറുപുഴ ഉപതെരഞ്ഞെടുപ്പ്; നയം വ്യക്തമാക്കാതെ കേരള കോണ്‍ഗ്രസ്

  
backup
January 06 2017 | 05:01 AM

%e0%b4%9a%e0%b5%86%e0%b4%b1%e0%b5%81%e0%b4%aa%e0%b5%81%e0%b4%b4-%e0%b4%89%e0%b4%aa%e0%b4%a4%e0%b5%86%e0%b4%b0%e0%b4%9e%e0%b5%8d%e0%b4%9e%e0%b5%86%e0%b4%9f%e0%b5%81%e0%b4%aa%e0%b5%8d%e0%b4%aa%e0%b5%8d

ചെറുപുഴ: ചെറുപുഴ പഞ്ചായത്ത് ഉപതെരഞ്ഞെടുപ്പ് ഫലപ്രഖ്യാപനത്തിനെ തുടര്‍ന്നുണ്ടായ രാഷ്ട്രീയ അനിശ്ചിതത്വത്തില്‍ നിലപാട് വ്യക്തമാക്കാതെ കേരളാ കോണ്‍ഗ്രസ്( എം). ഉപതെരഞ്ഞെടുപ്പില്‍ മാണി വിഭാഗം ഒറ്റയ്ക്ക് മത്സരിക്കുകയും യു.ഡി.എഫിന് സീറ്റ് നഷ്ടപ്പെട്ട് ഇടതുപക്ഷം വിജയിക്കുകയും ചെയ്ത സാഹചര്യത്തിലാണിത്. കഴിഞ്ഞ മൂന്ന് തെരഞ്ഞെടുപ്പില്‍ മുന്നണി സംവിധാനം നിലനില്‍ക്കുകയും കേരളാ കോണ്‍ഗ്രസിന് നല്‍കിയ സീറ്റില്‍ കോണ്‍ഗ്രസ് റിബലുകളെ നിര്‍ത്തിയതും അതിലൂടെ ഇടവരമ്പ് വാര്‍ഡില്‍ കേരളാ കോണ്‍ഗ്രസ് തോല്‍ക്കുകയും ചെയ്തതിന്റെ പ്രതികരണമായാണ് ഇക്കുറി മാണിവിഭാഗം തനിച്ചു മത്സരിക്കാന്‍ തീരുമാനിച്ചത്.
നിലവിലെ സ്ഥിതിയില്‍ ഒറ്റയ്ക്ക് നില്‍ക്കുന്ന കേരളാ കോണ്‍ഗ്രസ് സി.പി.എമ്മിന് പിന്തുണ നല്‍കിയാല്‍ 10-9 എന്ന സ്ഥിതി വരികയും ഭരണം മാറുകയും ചെയ്യും.
കേരളാ കോണ്‍ഗ്രസിന് വൈസ് പ്രസിഡന്റ് സ്ഥാനം നല്‍കി ഭരണം പിടിച്ചെടുക്കാന്‍ ഇടതുപക്ഷം നീക്കം നടത്തുന്നുണ്ടെങ്കിലും മാണിവിഭാഗം നേതാക്കള്‍ ഇതുവരെയും മനസ് തുറന്നിട്ടില്ല. ഉപതെരഞ്ഞെടുപ്പുമായി ബന്ധപ്പെട്ട് ചില കോണ്‍ഗ്രസ് പ്രവര്‍ത്തകര്‍ കേരളാ കോണ്‍ഗ്രസ് നേതാക്കള്‍ക്ക് നേരെ ആരോപണങ്ങള്‍ ഉന്നയിച്ചത് പ്രശ്‌നം വഷളാക്കിയിരിക്കുകയാണ്. കേരളാ കോണ്‍ഗ്രസിന് ലഭിക്കേണ്ട വോട്ടുകള്‍ കിട്ടാത്ത സാഹചര്യത്തില്‍ അതു പരിശോധിക്കാന്‍ മാത്രമാണ് പാര്‍ട്ടി തീരുമാനിച്ചതെന്നാണ് മാണിവിഭാഗം നേതാക്കള്‍ പറയുന്നത്.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."