കല്ല്യാശ്ശേരി: മാങ്ങാട് മന്ന മഖാം ഉറൂസിന് ഉച്ചക്ക് രണ്ട് മണിക്ക് മാങ്ങാട് മസ്ജിദില്‍ നിന്നാരംഭിക്കുന്ന ഘോഷയാത്രയോടെ തുടക്കമാകും. തുര്‍ന്ന് കൂട്ട സിയാറത്ത്, മൗലിദ് പാരായണം എന്നിവയ്ക്ക് അഹമ്മദ് കോയ ഫൈസി ഊര്‍ക്കടവ് നേതൃത്വം നല്‍കും.
രാത്രി ഏഴിന് നടക്കുന്ന ദിക്‌റ് ദുആ മജ്‌ലിസിന് സയ്യിദ് മഹമ്മൂദ് സഫ്‌വാന്‍ കോയതങ്ങള്‍ അല്‍ബുഖാരി, ഏഴിമല നേതൃത്വം നല്‍കും. ബഷീര്‍ സഅദി ചെറുകുന്ന് പ്രഭാഷണം നടത്തും. തുടര്‍ന്ന് അന്നദാനം നടക്കും. നാളെ രാത്രി ഏഴിന് നടക്കുന്ന സംസ്‌കാരിക സമ്മേളനം മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്യും. ടി.വി രാജേഷ് എം.എല്‍.എ അധ്യക്ഷനാകും. അഡ്വ.ഹനീഫ ഹുദവി കാസര്‍കോട് പ്രഭാഷണം നടത്തും. തുടര്‍ന്ന് ദഫ് പ്രദര്‍ശനവും നടക്കും. സമാപന ദിവസമായ എട്ടിന് ഉച്ചക്ക് ഒരു മണിക്ക് ശാദുലി ഖാസിമി അല്‍അസ്അദി നേതൃത്വം നല്‍കുന്ന ശാദുലി റാത്തിബും സുബൈര്‍ തോട്ടിക്കല്‍ ആന്റ് പാര്‍ട്ടി നയിക്കുന്ന ഇസ്‌ലാമിക കഥാപ്രസംഗവും നടക്കും.