കോഴിക്കോട്: വിവിധ വകുപ്പുകളില്‍ പതിനായിരക്കണക്കിന് ഒഴിവുകള്‍ നിലനില്‍ക്കെ പി.എസ്.റാങ്ക് ലിസ്റ്റുകളെ നോക്കുകുത്തിയാക്കി  ബന്ധുനിയമനവും പിന്‍വാതില്‍ നിയമനവും നടത്തിയവര്‍ക്കുള്ള  താക്കീതാണ് ഇ.പി.ജയരാജന്‍ അടക്കമുള്ളവര്‍ക്കെതിരേയുള്ള  വിജിലന്‍സ് നടപടിയെന്ന് യുവമോര്‍ച്ച സംസ്ഥാന പ്രസിഡന്റ്  അഡ്വ.കെ.പി പ്രകാശ് ബാബു പറഞ്ഞു.    
ഭരണത്തില്‍ സത്യസന്ധത പുലര്‍ത്തുന്നെങ്കില്‍ ഇ.പി.ജയരാജന്‍ അടക്കമുള്ളവരെ അഴിമതി നിരോധന നിയമപ്രകാരം അറസ്റ്റ് ചെയ്യാന്‍ പിണറായി വിജയന്‍ തയാറാകണമെന്നും  2006 മുതല്‍ കേരളത്തില്‍ നടത്തിയ മുഴുവന്‍ ബന്ധു നിയമനങ്ങളും വിജിലന്‍സ് അന്വേഷണ പരിധിയില്‍പ്പെടുത്തണമെന്നും അദ്ദേഹം ആവശ്യപ്പെട്ടു.