കാഞ്ഞങ്ങാട്: കാഞ്ഞങ്ങാട് നഗരസഭാ ഭരണം അഴിമതിയുടെ കൂത്തരങ്ങായി മാറിയതായി കാഞ്ഞങ്ങാട് മുനിസിപ്പല്‍ മുസ്‌ലിം ലീഗ് കമ്മിറ്റി യോഗം ആരോപിച്ചു. ചെയര്‍മാന്റെ സ്വജന പക്ഷപാതവും ധിക്കാരവുമായ നടപടികള്‍ക്കെതിരേ ബഹുജന പ്രക്ഷോഭം ഉയര്‍ത്തി കൊണ്ടുവരാന്‍ യോഗം തീരുമാനിച്ചു. പ്രസിഡന്റ് അഡ്വ.എന്‍.എ ഖാലിദ് അധ്യക്ഷനായി. എം ഇബ്രാഹിം, കെ.കെ ജാഫര്‍, കെ മുഹമ്മദ് കുഞ്ഞി, റസാഖ് തായിലക്കണ്ടി, അസൈനാര്‍ പടന്നക്കാട്, എം.എസ് ഹമീദ് ഹാജി, കെ.കെ ഇസ്മായില്‍, സി ഖമറുദ്ദീന്‍, എം.പി ജാഫര്‍, അസൈനാര്‍ കല്ലൂരാവി, പി അബൂബക്കര്‍, വേലായുധന്‍ തുടങ്ങിയവര്‍ സംസാരിച്ചു.