ന്യൂഡല്‍ഹി: എയര്‍ ഇന്ത്യയില്‍ ഇനി അച്ചടക്കമില്ലാത്ത യാത്രക്കാര്‍ക്ക് കൈവിലങ്ങ് ഏര്‍പ്പെടുത്തും. വിമാനത്തില്‍ സ്ത്രീകളെ അപമാനിക്കുന്ന സംഭവങ്ങള്‍ വര്‍ദ്ദിച്ചതോടെയാണ് വ്യത്യസ്ത നടപടിയുമായി എയര്‍ ഇന്ത്യ രംഗത്തു വന്നത്. രാജ്യാന്തര സര്‍വിസുകളില്‍ ഉപയോഗിക്കുന്ന ഇത്തരം കൈവിലങ്ങുകല്‍ ആഭ്യന്തര സര്‍വിസുകളിലും ഉപയോഗിക്കും. അച്ചടക്ക ലംഘനം നടത്തുകയും അപമര്യാദയായി പെരുമാറുകയും ചെയ്യുന്ന യാത്രക്കാര്‍ക്കെതിരേ ഇവ ഉപയോഗിക്കാനാണ് എയര്‍ ഇന്ത്യയുടെ തീരുമാനം.

കഴിഞ്ഞ ഡിസംബര്‍ 21ന് മുംബൈയില്‍ നിന്ന് യു.എസിലേക്കുള്ള യാത്രയില്‍ എയര്‍ ഇന്ത്യയിലെ ഒരു യാത്രക്കാരിയെ സഹയാത്രികന്‍ കടന്നുപിടിച്ചിരുന്നു. ശേഷം ജനുവരി രണ്ടിനും മസ്‌ക്കറ്റ്- ഡല്‍ഹി യാത്രക്കിടെ എയര്‍ ഇന്ത്യയില്‍ എയര്‍ഹോസ്റ്റസിനുനേരെയും കൈയേറ്റശ്രമം ഉണ്ടായിരുന്നു.