തലശേരി: ക്ലാസ് കഴിഞ്ഞു വീട്ടിലേക്കു മടങ്ങുകയായിരുന്ന എം.എസ്.എഫ് നേതാവിനെ അക്രമിച്ചതായി പരാതി. എം.എസ്.എഫ് സെന്റ് ജോസഫ് സ്‌കൂള്‍ യൂനിറ്റ് പ്രസിഡന്റ് റസല്‍(16)നാണ് പരുക്കേറ്റത്. ഇതില്‍ പ്രതിഷേധിച്ചു എം.എസ്.എഫ് ഇന്ന് സെന്റ് ജോസഫ് സ്‌കൂളില്‍ പഠിപ്പുമുടക്കി തലശേരി നഗരത്തില്‍ പ്രകടനം നടത്തും. അക്രമത്തില്‍ എം.എസ്.എഫ് തലശേരി മണ്ഡലം കമ്മിറ്റി പ്രതിഷേധിച്ചു. യോഗത്തില്‍ അഡ്വ. കെ.എ ലത്തീഫ് പ്രസംഗിച്ചു.